Neni 278-a

"Trafikimi i armëve dhe i municionit (Shtuar me ligjin nr. 8733, datë 24.1.2001; shtuar fjalët me ligjin nr. 144/2013, datë 2.5.2013) Importimi, eksportimi, tranzitimi dhe tregtimi, në kundërshtim me ligjin, i armëve dhe municionit luftarak, ose i pjesëve përbërëse të tyre me qëllim fitimi material ose çdo përfitim tjetër, dënohet me burgim nga shtatë gjer në pesëmbëdhjetë vjet. Po kjo vepër, kur kryhet në bashkëpunim ose më shumë se një herë ose sjell pasoja të rënda, dënohet me burgim nga dhjetë gjer në njëzet vjet."