Neni 62

"(Ndryshuar me ligjin nr.8781, datë 3.5.2001) Shpërndarja e fondacionit bëhet: a) me vendim të organit më të lartë vendimmarrës të tij; b) kur është përmbushur qëllimi për të cilin u themelua ose kur qëllimi i tij nuk mund të përmbushet më; c) kur vërtetohet se fondacioni ka filluar të ushtrojë veprimtari të kundërligjshme; ç) në raste të tjera të parashikuara me ligj. Gjykata, në rastet e parashikuara me ligj, mund të vendosë shpërndarjen e fondacionit me kërkesë të çdo themeluesi të tij, të organeve vendimmarrëse të fondacionit, si dhe të organeve kompetente shtetërore."