Neni 312

"Marrja e të dhënave (Shtuar pika 4 me ligjin nr. 35/2017, datë 30.3.2017) 1. Prokurori merr të dhëna nga personi viktimë dhe nga ata që mund të tregojnë rrethana të dobishme për qëllimet e hetimit, duke zbatuar rregullat e caktuara për marrjen e dëshmisë. 2. Thirrja e këtyre personave bëhet me urdhër, i cili përmban: a) gjeneralitetet e personit; b) ditën, orën dhe vendin e paraqitjes; c) paralajmërimin se prokurori mund të urdhërojë shoqërimin e detyrueshëm në rast mosparaqitje pa patur pengesë të ligjshme. 3. Prokurori urdhëron në të njëjtën mënyrë edhe për thirrjen e përkthyesit dhe ekspertit. 4. Thirrja bëhet të paktën tre ditë përpara ditës së paraqitjes, me përjashtim të rasteve të ngutshme."