Neni 553

"Shitja e lirë e sendit (Shtuar paragraf me ligjin nr. 8812, datë 17.5.2001; ndryshuar titulli, shfuqizuar paragrafi i dytë dhe i tretë, ndryshuar paragrafi i katërt me ligjin nr. 10 052, datë 29.12.2008) Përmbaruesi e dërgon sendin për shitje në dyqane me shitje të lirë. Caktimi i shpërblimit për shitjen bëhet në marrëveshje ndërmjet përmbaruesit gjyqësor dhe shitësit. Shpërblimi nxirret nga vlera e sendit të sekuestruar pas shitjes së tij. Në qoftë se brenda 2 muajve sendi nuk shitet në shitje të lirë, përmbaruesi gjyqësor, duke marrë edhe pëlqimin e palëve, vendos nëse duhet të vazhdojë me shitjen e lirë edhe për 30 ditë të tjera apo të kalojë në procedurë ankandi."